السلام عليكم ورحمة الله وبركاته 

لعبة زوجية من تجربتي ... 

والفكرة مثل ما هي بالعنوان ... " مهمة إنقاذ الأميرة " 

الأميرة اللي هي أنتي يعني .. رح تروح في غيبوبة 

ويتوجب على الفارس النبيل " زوجك " يقوم بهمة الإنقاذ .. 

وهذه المَهمة مكتوبة في ورقة وموجودة في أحد أرجاء المملكة الصغيرة " بيتكم " 

ولازم الفارس يقوم بالبحث عنها بواسطة مساعدة .. ويعرف ايش المَهمة المطلوبة لينقذ الأميرة .. 

رح تجيبي عدة ورقات وتكتبي عليها فكرة المهمة وتحطيها بمكان بحيث يشوفها زوجك قبل ما يدخل الغرفة ... وانتي طبعاً رح تكوني جاهزة من كله ونايمة ع السرير مثل الأميرة 

بعد كذا يقرأ زوجك ان المهمة موجودة في المكان الفلاني ويروح لذاك المكان فيلاقي مكتوب ان المهمة موجودة بمكان ثاني ... فيروح للمكان الثاني ويلاقي ان المهمة لسة موجودة في مكان ثالث .. يروح للمكان الثالث ويلاقي المهمة مكتوبة وهي أنه يُقبّل الأميرة قبلة الحياة حتى تستفيق من الغيبوبة .... 

أول شي تجيبي ورقات .. وتكتبي على الورقة الأولى : " في ظروف غامضة راحت الأميرة في غيبوبة عميقة وتنتظر الفارس النبيل لينقذها من غيبوبتها ... 

ولكن هناك مهمة يجب على الفارس إيجادها ليقوم بها تجاه الأميرة .. 

ستكون المهمة موجودة في أحد أرجاء المملكة الصغيرة ،،، سأقوم بمساعدتك أيها الفارس النبيل وأرشدك إلى مكان المهمة ... أتوقع أن تجدها في الفرن الصغير ( او اختاري اي مكان اخر تحبين ) . 

والحين تجيبي ورقة ثانية اللي رح تحطيها بالفرن او المكان اللي اخترتيه وتكتبي فيه 

" أهلا بك أيها الفارس النبيل في مهمة إنقاذ الأميرة .. 

لكن المهمة ليست موجودة هنا ... جرّب أن تفتش في حقائب الأميرة ... حظاً موفقاً " 

و الآن الورقة الثالثة اللي رح تحطيها في أحدى شنتك

" لا بدّ أنك تبحث عن مهمة إنقاذ الأميرة أتمنى لك التوفيق 

لكن مهمة إنقاذ الأميرة اختارت أن تختبيء في صندوق مجوهرات الأميرة ... 

هيا اذهب هناك وسارع بإيجاد المهمة " . 

والآن الورقة اللي رح تحطيها في صندوق اكسسواراتك" و أخيــــــــراً وصلت أيها الفارس لتنقذ الأميرة ... 

والآن مهمتك هي أن تُهديَ الأميرة قُبلة الحياة ،، لتستفيق من غيبوبتها وتعيشان أجمل اللحظات ... " 

وطبعا زيني الاوراق وارسمي عليها اشكال وخصوصا الورقة الاخيرة اللي فيها المهمة

طبعاً ممكن الفكرة طفولية شوي .. وبالتالي لازم تمهدي لزوجك ان الليلة هيصير شيء مميز لاجل ما ينصدم ويتجاهل الفكرة 

فاكتبي له ورقة من العصر مثلا وحطيها له على مكتبه 

" حضرة السيد فلان الفلاني ، تم اختيارك الليلة لتقوم بدور الفارس النبيل في مهمة انقاذ الاميرة ، نرجو ان تكون على استعداد كامل لتأدية الدور " 

طبعا الرجال رح يستغرب ويسألك ايش الهبل هادا بس انتي قوليله ما عليك الا تنفذ المطلوب 

وبالليل لما يجي وقت الليلة الرومنسية تجهزي ووزعي الأوراق 

ولما يجي يدخل الغرفة ويبدأ يقرأ رح يستغرب ويضحك منك ... بس انتي قوليله لازم تنفذ المطلوب يمكن يمانع بالاول ويقلك بلاش بس أصري عليه وهو رح يسايرك ويبدأ يقرأ الأوراق ويفتش وهو يضحك عليكي وعلى افكارك

بس من جوا صدقيني بكون مبسوط وحاسس بالتجديد ورح يعبرلك بعدين عن اعجابه بالفكرة

ان شاء الله ما اكون طول وتكون الفكرة عجبتكم 

واذا طبقتوها علموني على النتائج

 

منقول